எண்ண அலைகள்

"காமு! அரை டம்ளர் காபி குடுக்கறயா?" காலையில் பேப்பர் படித்துக் கொண்டிருந்த கிருஷ்ணன் கேட்டார். "இப்போதானே குடுத்தேன்?உங்களுக்குக் குடுத்துண்டேயிருந்தா சமையல் ஆன மாதிரி தான்.ஒரே தடவையா திருப்தியா குடிச்சா என்ன?" "நாலு நாளைக்குச் சேர்த்து சாப்பிட முடியுமா?" "நன்னா பேசத் தெரியறது.அது என்ன ஆசையோ அந்த காபி மேல..." "காமு! ஆசையாலே தான் உலகமே இயங்கிண்டிருக்கு.ஆசை இல்லேன்னா யார் கல்யாணம் பண்ணிக்குவா?யாரும் யாரையும் கல்யாணம் பண்ணிக்கலேன்னா நூறு வருஷத்துக்கப்புறம் லோகத்துல ஜனங்க யாராவது இருப்பாளா?" "அது சரி!இந்தக் காலம் மாதிரி என்னைக் கேட்டா கல்யாணம் பண்ணினா?அப்பா அம்மா காண்பிச்ச ஆளுக்கு கழுத்தை நீட்டிட்டு அவஸ்தைப் பட்டுண்டு இருக்கேன்." "அரை டம்ளர் காபிக்கு இத்தனை பேச்சா?நாளையிலேர்ந்து ரெண்டாவது காபி ஓட்டல்ல சாப்பிட்டுக்கறேன்." "இந்தாங்கோ!காபி மாதிரி வேற ஏதாவது 'ரெண்டாவது' பிடிச்சுடப் போறேள்." காமு!என் பேரில் நம்பிக்கையில்லையா?அதுவும் இந்த வயசுலயா?" "ஆம்பளைங்களுக்கு தான் வயசுன்னு ஒண்ணும் கிடையாதே.நாங...

 "பாரூ!இன்னிக்கு பேப்பர்ல ஒரு விசித்திரமான சேதி வந்திருக்கு!கேளு!" "உங்களுக்கென்ன...கார்த்தால பல் தேய்ச்சதும் "ஸ்ட்ராங் காஃபி" கையில் கிடைக்கிறது.முதல்ல என்னை "பாரு"ன்னு கூப்பிடறதை நிறுத்துங்கோ.பார்த்ததெல்லாம் போறும்.அழகா "பார்வதி"ன்னு கூப்பிடுங்கோ.பேப்பர்ல தினமும் தான் சேதி வந்திண்டிருக்கு.லோகத்துல நடக்கிறதை தானே அவா போடறா?அதுல என்ன விசித்திரம்?" "விசித்திரம் தான்.கல்யாணம் ஆன ரெண்டு வருஷத்திலேயே ஒரு தம்பதி 'ம்யூச்சுவல் டைவர்ஸ்' கேட்டிருக்கா‌.அதாவது பிரிந்து போக ரெண்டு பேருக்குமே சம்மதம்.இத்தனைக்கும் கையில் குழந்தை.ஆனா பெண்ணோட அப்பா "மாமியார் கொடுமை,அதனால் தான் இப்படி ஆச்சுன்னு 'கேஸ்' போட்டிருக்கா.ஏன்னா அவா ரெண்டு பேரும் காதலிச்சு கல்யாணம் பண்ணின்டவா..." "அட ராமா! கலி காலம் னு சொல்றது சரியாத்தான் இருக்கு.நாமெல்லாம் நாற்பது வருஷமா ஒண்ணா  இல்லையா?ஒருத்தருக்கு ஒருத்தர் "அட்ஜஸ்ட்" பண்ணின்டு போக வேண்டாமோ?" "பாரு!ஏதோ நான் "அட்ஜஸ்ட்" பண்ணின்டு போறதால வாழ்க்கை ஓடிண்டிருக்கு!...

 பாகீரதி படுக்கையில் படுத்தபடியே மறுபடியும் சுவரில் மாட்டியிருந்த பெரிய கடிகாரத்தை உற்றுப் பார்த்தாள். "நைட் லேம்ப்" அதன் பக்கத்திலேயே இருந்தாலும் இரவின் இருட்டில் சரியாகத் தெரியவில்லை‌. '3 மணி இருக்கும்.தினமும் இந்த நேரம் விழிப்பு  எப்படி ஏற்படுகிறது?' 'இனி தூக்கம் ஏது?' அதற்கு முன்னாலும் அரைத் தூக்கம் தான். வயதான காலத்தில் சரியான தூக்கமில்லாமல் உடம்பும் இளைத்து விட்டது. 'எனக்கு மட்டும் ஏன் இப்படி?' ஒரே பையன் காலாகாலத்தில் கல்யாணம் பண்ணிக்காமல் வேதாந்தி போல ஆகிவிட்டானே?' இத்தனை பெரிய வீடு இருந்தாலும் சங்கருக்கு ஒரு ஆத்துக்காரி இருந்தால் எத்தனை கலகலப்பாக இருக்கும்?' 'அத்தனை படிப்பு படித்து பெரிய வேலையில் இருந்தவன் எப்படி வேலையை விட்டுவிட்டு "எதுவும் வேண்டாம்" என்பது  போல இருக்கிறான்?' எத்தனை எண்ணினாலும் ஏன் என்று புரியவில்லை. 'விளையாட்டுப் போல 3 வருஷம் ஆயிடுத்து. எல்லோரையும் போல சாதாரண வாழ்க்கை தானே கேட்கிறேன்? தினமும் பூஜிக்கும் அம்பிகை ஏன் என்னை இப்படிச் சோதிக்கிறாள்? கண்களில் நீர் வழிந்து படுக்கையை நனைத்தது. பக்கத்தில் ...

" வசு! இன்னிக்கு ஞாயிறு‌.வீட்டுக்கார மாமா இன்னிக்கு தானே நம்ம ரமாவை யார்கிட்டேயோ கணக்கு 'ட்யூஷனு'க்கு அழைச்சுட்டுப் போறேன்னு சொன்னார்?" "ஆமாம்மா! ஒம்பது மணிக்கு வருவார்." "புது இடத்துக்கு வந்துட்டு நமக்கு ஒண்ணும் தெரியலை‌.அவரே வாத்யார் தானே?அவர் சொல்லித்தரமாட்டாராமா?மாடியிலேயே வேற இருக்கார்." "ப்ளஸ் 2 எல்லாம் அவர் சொல்லித்தரமாட்டாராம்‌." "உன்னோட ஸ்கூல்ல வேலை பண்றவா யாரும் இல்லையா?" "உனக்கு தெரியாதாம்மா?நான் டீச்சரா இருக்க ஸ்கூல் 8 வரை தான்." "சம்பளமும் அதேமாதிரி குறைச்சல் தான்." "அம்மா! ப்ரைவேட் ஸ்கூல்ல அப்படிதான்." "என்னமோம்மா...கைக்கும் வாய்க்குமா வாழ்க்கை போயிண்டிருக்கு.உன்னைப் பண்ணிக்கறேன்னு  கேட்டு வந்தானே அந்தப் பையன் "கவர்மெண்ட்" ஸ்கூல்ல இருந்தான்.பார்க்க ராஜாவாட்டம் இருந்தான்."ஜாதகம் பொருந்தலே"ன்னு உங்கப்பா ஒத்துக்கலை.அவரும் போய் சேர்ந்துட்டார்.ஜாதகம் பார்த்து உனக்குப் பண்ணினவன் ரெண்டு வயசு ரமாவை உன்கிட்ட குடுத்துட்டு வேற கல்யாணம் பண்ணின்டு எங்கியோ இருக்கான்.என்ன ஜா...

 "இரண்டு மனம் வேண்டும் இறைவனிடம் கேட்டேன்.நினைத்து வாழ ஒன்று மறந்து வாழ ஒன்று... " மாலை நேரம் டி.வி.யில் ஓடிக்கொண்டிருந்த பாட்டைக் கேட்டுக்  கொண்டிருந்த ரகு 'என்ன அருமையான கவிதை' என எண்ணிப் பழைய நினைவுகளில் மூழ்கியது. "அப்பா! இந்தக் கணக்கு எப்படின்னு சொல்லித்தரயா?" ஐந்து வயதான அருமைப் பிள்ளை கேட்டது  காதில் விழவில்லை. "டேய் முரளி! அப்பாவுக்குப் பாட்டுக் கேட்கும்போது உலகமே மறந்துடும்டா.அதுவும் காதல் பாட்டுன்னா கேக்கவே வேணாம்.இந்தாங்கோ காபி!" ரகு திடுக்கிட்டு பழைய நினைவுகளில் இருந்து மீண்டு காபியைக் கையில் வாங்கிக் கொண்டான். "முரளி கேட்டது காதுல விழுந்துதா?" "என்ன கேட்டான்?" "நீங்க பகவானிடம் இரண்டு மனம் வேணும்னு கேட்டப்போ உங்களை கணக்கு கத்துக் குடுக்க கேட்டான்.அது சரி!ஒரு மனசை வச்சுண்டே இத்தனை அவஸ்தையா இருக்கே.ரெண்டு மனசு எதுக்கு?கல்யாணத்துக்கு முன்னாடி யாரையாவது 'லவ்' பண்ணீங்களாக்கும்.ஏன் அவளையே பண்ணிக்கலை?நமக்கு தான் குழந்தை பிறந்து  அஞ்சு வருஷம் ஆயிடுத்தே.எங்கிட்டே அன்பா தானே இருக்கீங்க?ஏன் சில சமயம் இந்தமாதிரி ...

பஞ்சாபகேசனுக்குத் தூக்கம் வரவில்லை.எதிர் சுவற்றில் மாட்டியிருந்த பெரிய கடிகாரத்தை உற்றுப் பார்த்தார்.62 வயதாகிவிட்டதால் மங்கலான 'நைட் லேம்ப்' வெளிச்சத்தில் எண்கள் தெரியவில்லை.மணி 4 இருக்கும் எனத் தோன்றியது.எழுந்து பாத்ரூம் போனார்.பாத்ரூம் கதவை லேசாகத் திறந்து வெளிச்சத்தில் மணிபார்த்தார்.ஒவ்வொறு முறை தூக்கம்  சுவற்றபக்கத்தில் வைத்திருந்த செல்போனில் மணி பார்த்தார்.சரியாக 4. பக்கத்தில் படுத்து ஆழ்ந்த தூக்கத்தில் இருக்கும் மனைவி சாரதாவைப் பார்த்தார். மனைவியின் மேல் அனுதாபம் ஏற்பட்டது.கிழிந்த நாராய் மெலிந்து விட்டாள்.நம்மைக் கல்யாணம் பண்ணிக் கொண்டு என்ன சுகத்தைக் கண்டாள்?.ஓயாத உழைப்பு தான். லைட்டை அணைத்துவிட்டுப் படுத்த பஞ்சுவுக்கு வழக்கம் போலத் தூக்கம் வரவில்லை.நடந்து வந்த பாதையை எண்ணிப் பார்த்தார். ஆசிரியராய் இருந்த அப்பா இரண்டு அக்காக்களுக்குக் கல்யாணம் பண்ணியவுடன் ரிடையாகி விட்டார்.அந்தக் காலத்தில் 600 ரூபாய் பென்ஷன்.நல்ல வேளையாக நான் பி.ஈ. முடித்து 'சாஃப்ட்வேர்' கம்பெனியில் சேர்ந்து நல்ல சம்பளம் வாங்கியதால் இரண்டு தங்கைகளும்  சேர்ந்து ஐந்து பேரும் நல்ல வீடாக வாடகைக்குப்...

"அரை டம்ளர் காபி தரயாம்மா?" 'மங்களம் வாங்கிவரச் சொன்னவை எல்லாம் வாங்கியாச்சா? காய்கறி,பழம்,பூ ... அடடா! துவரம்பருப்பு மறந்தே போச்சே..கார்த்தால 'குமுதம்' வாங்கற ஜோர்ல  மறந்தே போச்சு.ரிடையர் ஆனா சம்பளத்துல  பாதிதான் பென்ஷன் வரது.அதே மாதிரி ஞாபக சக்தி கூடப் பாதியாயிடுமோ?'_நடேசன் மனம்  பலவிதமான எண்ணங்களில் மூழ்கியது. "இரண்டாவது காபிக்கு என்ன அவசரம்?.அது என்ன காபியோ?ஒரு நாளைக்கு எத்தனை தடவைதான் குடிப்பீங்க?இந்த வெண்டைக்காயைப் பார்த்தீங்களா?" கையில் நான்கு வெண்டைக்காய்கள். "நன்னாதானே இருக்கு?" "எத்தனை தடவை சொன்னாலும் உங்களுக்குத் தெரியாது.வெண்டைக்காய உடைச்சுப் பார்த்து வாங்கணும்." 'கடைக்காரன் உடைக்கவிடமாட்டான்.இவ உடைக்காம விடமாட்டா.நாம் நடுல மாட்டிண்டு  முழிக்கிறோம்.வாழ்க்கையே இதானோ?' "அம்மா! உங்க சண்டைக்கு சனி ஞாயிறு லீவு கிடையாதா?"_தூக்கம் கலைந்த தியாகு கேட்டான். நடேசனுக்குத் தெம்பு வந்தது.நாம் கேட்கமுடியாததைப் பையன் கேட்கிறான். 'இதுக்கு தான் பசங்க வேணுங்கறது' "உனக்கென்னடா?எட்டு மணிக்கு எழுந்துக்கறே.எங்க...